Out na sa season si Durant

OAKLAND, California – Malaking kawalan para sa kampanya ng Golden State Warriors ang pagkakaroon ng knee injury ni Kevin Durant.

Kailangang dalhin nina Stephen Curry at Klay Thompson sa kanilang mga balikat ang Warriors nang wala si Durant sa dulo ng regular season at posibleng higit pa.

Nakalasap si Durant ng sprained medial collateral ligament sa kanyang kaliwang tuhod sa pagkatalo ng Golden State laban sa Washington Wizards noong Martes.

“Heal up my Man...we will hold it down til your back on the court with us. Prayers up!” sabi ni Curry, ang two-time reigning MVP, sa kanyang Twitter.

Maglalaro ang NBA top team sa playoffs na wala ang kanilang leading scorer at rebounder para sa kabuuan ng Marso.

“At this time it’s just speculation to guess when that is,” wika ni general ma-nager Bob Myers sa isang conference call. “He’ll heal as his body heals. And when he’s healed and our doctors clear him and we feel like it’s safe, he’ll play. I want to know as much as you guys but at this point the plan is just to reevaluate him and see where he’s at in four weeks.”

Nagkaroon ang All-Star forward ng hyperextended left knee sa first period sa 108-112 kabiguan ng Warriors kontra sa Wizards at sumailalim sa isang MRI exam.

Matapos ang apat na linggo ay muling oobserbahan ang kaliwang tuhod ni Durant.