Sayang effort ni LeBron
BOSTON – Ibinasura ng Celtics ang pang-pitong triple-double sa season ni LeBron James matapos pabagsakin ang bisitang Cleveland Cavaliers, 103-99.
Umiskor ng 31 points si guard Isaiah Thomas kasama ang dalawang go-ahead free throws para sa panalo ng Boston.
“We just played to win,” sabi ni Thomas. “They’re the No. 1 team in the East. One of the best teams in the NBA, and we just wanted to protect home court and get a win. We did that tonight.”
Nagdagdag naman si Jae Crowder ng 17 points at 10 rebounds para sa Celtics, sinapawan ang ipinosteng 28 points, 13 rebounds at 10 assists ni James sa panig ng Cavaliers.
Nagdagdag naman si Kyrie Irving ng 28 points para sa Cleveland.
Nag-ambag lamang si Deron Williams, pinapirma ng Cleveland ngayong linggo, ng 4 points sa loob ng 24 minuto sa kanyang Cavaliers debut.
Ang dalawang free throws ni Thomas ang nagbigay sa Boston ng 101-99 abante kasunod ang mintis na jumper ni Irving habang nahablot ni Tristan Thompson ang rebound at ipinasa kay Williams.
Mintis ang tira ni Williams na nagresulta sa rebound at dalawang free throws ni Crowder para selyuhan ang panalo ng Celtics.
“I saw Crowder running to me, he jumped and then I saw Marcus Smart running toward me,” sabi ni James. “I saw D-Will naked in the corner, so I gave him an opportunity and he just missed it. We got the shot we wanted.”
Sa kabila ng kabiguan ay nasiyahan pa rin si Cleveland coach Tyronn Lue sa inilaro ng kanyang koponan.
“It was a good game - went down to the wire, shot for shot,” wika ni Lue. “I.T. made two big shots, Avery made two big shots. We competed, we fought. That’s all you can ask for.”
- Latest