Anti-illegal drugs ilunsad muli-Sen. Cayetano
MANILA, Philippines - “Ilunsad muli ang sinuspindeng kampanya laban sa illegal drugs,”
Ito ang naging apela kamakalawa ng gabi ni Sen. Alan Peter Cayetano sa harap ng libu-libong supporters ni Pangulong Duterte na nagtipon-tipon sa Luneta.
“Ngayong gabi ako ay nakikiusap sa ating pangulo at sa PNP na i-relaunch niyo ang inyong anti-drug drive,” wika ni Cayetano.
Ayon kay Cayetano, nakatanggap siya ng mga sumbong na muling bumalik ang mga pushers matapos suspendihin ni Pangulong Duterte ang anti-illegal drugs campaign ng PNP at ipinaubaya ito sa PDEA.
“Sir, simula nung sinuspinde ang Oplan Tokhang maraming pusher ang bumalik,” giit ni Cayetano.
“Totoo ba? Sa inyong lugar bumalik ang mga pusher? Pag bumalik ang pusher, kasama na diyan ang patayan ng inosente, kasama na diyan ang rape, ang nakawan,” dagdag pa ni Cayetano.
Idineklara rin ni Cayetano na kapag muling binuhay ang kampanya ni Duterte ay kikilalanin ito bilang people’s war laban sa illegal drugs.
- Latest