Mag-ama Sabay Dinapuan ng Suwerte!
Grabe na ‘to!
Wala na sigurong mas susuwerte pa sa mag-ama mula sa Halstad, Minnesota dahil sa panalo nila sa All or Nothing (Lotto). Namimili ng para sa panghapunan si Pedro Ruiz, Jr. nang tawagan siya ng kanyang ama na si Pedro Ruiz, Sr. para bumili ng All or Nothing tickets para sa weekend draw. Binilhan ni Jr. ang kanyang ama at nagdesisyon ding bumili ng para sa sarili niya na kabaliktaran ng mga numero sa nakatatandang Ruiz.
Mayroong 24 posibleng All or Nothing numbers. Para maiuwi ang $100,000 na prize, dapat ay mag-match ang lahat ng 12 numero o kaya’y wala sa mga numerong lumabas. Pagkatapos ng draw ay nanalo si Pedro Ruiz, Sr. dahil lahat ng numero sa kanyang ticket ay hindi lumabas.
Makalipas naman ang ilang oras ay napagtanto ng nakababatang Ruiz na nanalo rin siya ng $100,000 dahil nag-match ang lahat ng kanyang numero. Ito raw ang unang beses na may sabay nanalo ng “All” at “Nothing.”
- Latest