Dyip hulog sa bangin: 29 sugatan
MANILA, Philippines - Dalawampu’t siyam katao kabilang ang driver ang nasugatan makaraang aksidenteng mahulog sa bangin ang kanilang sinasakyang pampasaherong jeepney sa kahabaan ng municipal Road, Sitio Midas, Brgy. Ucab, Itogon, Benguet nitong Martes ng hapon.
Kabilang sa mga nasugatang biktima na sina Willy Mabitasan, driver ng Armak passenger jeepney; mga pasahero nitong sina Loreto Soriano, 57; Danny Malasmas Sr., 50; Melody Pangaton, 30; Jamieke Mabitasan, 4 taong gulang; Ivan Malasmas, 15; Nathalie Pangaton, 22; Jackielyn Mabitasan, 35; Erina Palista, 61; Ernesto Waclin, 64; Jeanjie Sagobo; Lemuel Palista, 13; James Dapnisan, 42; Arsenio Dapnisan, 36 at Sam Sagobo, 50 taong gulang.
Sa ulat ng Cordillera Police, nangyari ang sakuna sa nabanggit na highway sa lugar bandang alas-3:20 ng hapon. Habang binabagtas ng Armak passenger jeepney (AVV 261) na minamaneho ni Mabitasan ang lugar lulan ang 28 pasahero ng Sitio Piging at Bayaan, Brgy. Ucab, Itogon nang mangyari ang sakuna. Kagagaling lamang nila sa lamay sa burol sa Batuang, Brgy, Virac, Itogon at patungo na sa Baguio City nang magloko ang makina ng behikulo at nawalan ng preno. Dito, tuluy-tuloy na bumulusok ang sasakyan sa may 25 metrong malalim na bangin.
- Latest
