Nagsagunson Ang Proyekto

Kasamtangang niuli dinhi sa Cebu ang online  sensation nga si Ejay Fontanilla  o nailhan sa kadaghanan isip Pempem Boy. Nalingaw  pag-ayo si Ejay sa Christmas season  gumikan kay nakauban niya ang iyang pamilya ug mga higala.  Katapusang nilugwa si Ejay  sa pelikulang Working Beks.  Malakip usab siya sa  usa ka dakong proyekto nga pagabidahan nila ni Liza Soberano ug Enrique Gil.

Tungod Sa Uyab

Nakumbinser gyud  ni  Luis Manzano ang  girlfriend niya  nga si Jessy Mendiola  nga mosuway og diving.   Matud pa nga dili gyud mahilig si Jessy og diving apan wala siya’y mahimo gumikan kay ang iyang hinigugma naman ang nihangyo.

Alden Mihimakak

Hugtanong gihimakak ni Alden Richards ang taho nga matud pa duna siya’y “mystery girlfriend”.  Niulbo ang report nga kanunay nga mobisita si Alden sa  maong babaye nga matud pa gikan sa adunahang pamilya sa Pampanga.  Kontento na matud pa si Alden sa iyang pagka-single ilabi na karon nga  busy kaayo ang aktor sa  iyang showbiz career.

Mitin-Aw Sa  Isyu

Giklaro ni Khalil Ramos  nga nagpabiling lig-on ang panaghigalaay nila ni Daniel Padilla bisan paman nga puros sila busy. Nasayran nga soud kaayo ang duha ug gihimakak ni Khalil ang tsismis nga matud pa bugnaw ang panaghigalaay nila ni Daniel. “Very solid kami,” suma pa ni Khalil.

Mingaw Ang Career

Wala kaayo’y proyekto si Alex Gonzaga karong panahona busa gi-enjoy na lang niya ang iyang kaugalingon sa bag-o niya nga inspirasyon nga ginganlan og Mikee Morada.  Malipayon kaayo si Alex gumikan kay buotan kaayo ang maong lalaki.

Dili Madala Sa Oras

Mipasabot  si Lipa City representative nga si Vilma Santos-Recto sa rason nga wala siya musugot nga mahimong hurado sa Metro Manila Film Festival (MMFF) 2016. Suma pa ni Ate V nga dili gyud madala sa iyang schedule sanglit prayoridad niya ang iyang trabaho sa kongreso.  Kung nisugot siya nga mahimong hurado, kinahanglan niya nga motan-aw sa walo ka entries sa MMFF ug dili na gyud kini madala sa iyang oras.