Henry Agbon puwerting kuyawa nakaduwa sa J/J Surplus Basketball Tournament

CEBU, Philippines - Puwerting kuyawa nga nakaduwa ni Henry Agbon sa J/J Surplus nga nagbangis aron pakuratan ang Pagutlan, 74-70 sa kulbahinam nilang duwa sa J.J. Surplus Ballclub 6th Conference basketball tournament niadtong Sabado didto sa Talit’s Garden.

Samtang nagpauwan og tres ang Pagutlan, nagbaha sab ang 3-pointer ni Agbon nga mao sab ang nahimong pabilo sa mainitong rally sa J/J Surplus.

Ang J/J Surplus team manager nga si Agbon mikadlit og 16 puntos, apan si A. Momo ang topscorer sa kadaugan nga miratsada og 19 puntos. Si Larry Oroyan mitampo’g 12 puntos sa J/J Surplus nga wala magdahom nga modaog kay gilubong sila og 20 puntos sa tunga-tungang bahin sa third period.

Si Hiram Cantillas lang ang miiskor og double digits sa Pagutlan sa iyang 21 puntos.

Sa pasiunang duwa, ang JM Hayag mipilde sa Northern Energy, 61-56 sa pagpangulo nilang Benz Lofranco ug Casper Bugtai nga nagkumboya’g 30 puntos.

Ang Northern Energy gipangulohan nilang Tiongzon, Marlon ug Alboleras nga nagkumboya’g 41 puntos.

Midaog sab ang Junrey Marketing  batok sa Galvasteel, 70-65. Ang Junrey nagbitbit na og 8-4 nga baraha, samtang ang Galvasteel adunay 5-7 record ning maong liga nga gipadagan ni commissioner Fury Trazona inabagan nilang  Chang Tejero, Inting Pilapil ug Choy Pilapil.

Puntos matag usa

Unang duwa:

JM Hayag (61) – Lofranco 16, Bugtai 14, JL Hayag 8, Dela Rama 6, Pepito 4,  Maglasang 4, Sanoria 3.

NORTHERN Energy (56) – Tiongzon 20, Marlon 11, Alboleras 10, Lambo 6, Acabo 3, Nacion 2, Notarion 2, Marjo 2.

Ikaduhang duwa:

J/J Surplus (74) – A. Momo 19, H. Agbon 16, Oroyan 12, Torreon 4, R. Momo 4, Genteroliso 3, JH Agbon 2, Postiluna 2, Hayahay 2, Angeles 2.

PAGUTLAN (70) – Cantillas 21, Alcuizar 9, Ruiz 7, Uzarraga 7, Brigoli 7, Goc-ong  6, Judilla 5, Seno 4, Aton 2, Pagobo 2.

Ikatulong duwa:

JUNREY Mrktg. (70) – C. Pepito 15, Maravilles 10, Authentico 10, Arellano 8. Tranghia 8. Oyao 6, Cabellon 5, Jolan 2, Mercader 2, Arevalo 2, Bano 2.

GALVASTEEL (65) – Gellocane 19, Tiongzon 15, Boyles 13, Ravanna 8, Labustro 4, Capin 4, Judaya 3. (BANAT NEWS)