Kolektor ng bangko pinabulagta

TUGUEGARAO CITY, Cagayan, Philippines - Pinabulagta ng hindi nakilalang killer ang isang 30-anyos na kolektor ng bangko habang sakay ng kanyang motorsiklo sa highway ng Barangay Lucban, Roxas, Isabela noong Huwebes ng gabi. Sa takot ng mga residenteng umusyoso ay kinabukasan na natagpuan ang bangkay ni Mark Louie Maluyo na kawani ng PR Bank sa nasabing bayan na nahulog sa pala­yan kasama ang kanyang motorsiklo. ?Sa report na nakarating kay Chief Insp. Dennis Pamor, hepe ng Roxas Police, nagtamo ng dalawang tama ng bala sa katawan si Maluyo at hindi na natagpuan sa putikan ang basyo ng pung­lo.?Nabatid na wala sa drug watchlist ng pulisya ang biktima at wala namang siyang dalang koleksiyon ng bangko kung kaya’t masusi pa ring sinisiyasat ang posib­leng motibo sa nangyaring krimen.