Donaire patutumbahin si Magdaleno
LAS VEGAS – Kapwa nakuha nina world super bantamweight champion Nonito ‘The Filipino Flash’ Donaire, Jr. at Mexican challenger Jessie Magdaleno ang weight limit sa kanilang official weigh-in kahapon sa Encore Theater.
Nasukatan ang 33-anyos na si Donaire ng bigat na 121.8 pounds, habang may 121.25 pounds naman ang 24-anyos na si Magdaleno para makapasok sa weight limit na 122 pounds.
Itataya ni Donaire ang kanyang suot na World Boxing Organization super bantamweight crown laban kay Magdaleno sa undercard ng bakbakan nina Manny Pacquiao at Jessie Vargas ngayon sa Thomas & Mack Center dito.
Nauna nang niyabangan ni Magdaleno si Donaire sa nakaraang undercard press conference.
“I hope he (Donaire) comes with his A-Game, because we’re gonna rip his head off,” wika ng Las Vegas-based na si Magdaleno sa mga reporters.
Tiniyak pa ng Mexican challenger na magiging hitik sa aksyon ang kanilang suntukan ni Donaire.
“It’s gonna be an all-out action. We’re gonna brawl out. Either for 12 rounds, or whatever round he wants to go down,” sabi ni Magdaleno. “I don’t see it going past the eighth (round)”.
Hindi naman ito pinansin ni Donaire.
“My only focus is only victory. I don’t care what he does. I don’t worry about what he’s capable off,” wika ni Donaire kay Magdaleno. “He’s a kid.”
- Latest