Ibig mag-move on

Dear Dr. Love,

Ipinaaabot ko ang mainit na pangungumusta sa inyo at sa inyong readers ng Dr. Love. Ako po si Blessie, 27-anyos at hiwalay sa asawa.

Three years na po kaming hiwalay ng mister ko dahil lulong siya sa drugs at lagi akong sinasaktan pati ang aming anak.

Wala kaming formal separation kundi ipinasok siya sa rehab pero nabalitaan ko na lang na parang natuluyan siyang masiraan ng bait.

Gusto ko po sana na makapag-move on. Panga­rap ko rin na magkaroon ng maligayang pamilya at isang ka-partner na ituturing na tunay na anak ang aking anak. Mayroon akong boyfriend ngayon at pinag-uusapan na namin ang pagpapakasal. Pero balakid nga na walan­g annulment ang kasal ko sa unang asawa. Tulungan mo po ako.

Blessie

Dear Blessie,

Simple lang ang solusyon. Ipa-annul mo ang inyong kasal. Kumunsulta ka sa abogado na nakakaalam sa lahat ng rekisitos tungkol diyan.

Kahit hindi ako abogado, alam ko na ang kalagayan ng iyong asawa ay isang matibay na ground para sa deklarasyon ng nullity of marriage.

Dr. Love