May ‘pusong babae’
Dear Dr. Love,
Sa murang edad, alam ko po na may kakaiba na sa aking pagkatao, Dr. Love. Aware na po ako sa pagkakaroon ko ng damdaming pang-babae na nasa katawang pang-lalaki.
Sabi ni nanay, hangga’t may magagawa pa ako ay sikapin kong ayusin ang pagkatao ko para magkaroon ako ng normal na buhay. Pero sa palagay ko po, ito na ako. Isang badiday, nagkaka-crush sa kapwa ko lalaki.
Pero dahil mahal ko ang nanay ko, sinisikap ko na magpaka-disente. Sabi niya ay makipagkaibigan lang daw ako at panatilihing may disenteng pagkatao. Dr. Love, sa ngayon ay nasusunod ko pa po ang nanay ko. Pero hindi ako sigurado kung hanggang kailan ko mapipigilan ang damdamin kong binabae.
Pagpayuhan po ninyo ako. May edad na ang nanay ko at hindi ko gusto na ang kawalan ko ng kontrol sa sarili ang maging dahilan ng hinanakit niya. Ayaw ko rin na magkasakit siya dahil dito.
Thank you po at magandang araw sa inyo.
Gumagalang,
Rollie
Dear Rollie,
Ang pagmamahal mo sa iyong ina ay isang matimbang na dahilan para sikapin mo na mapagtagumpayan ang hindi magandang namumuo sa iyong pagkatao.
Sa puntong ‘yan, masasabi ko na may magandang panimula ka na para makakawala sa iyong gender preferences. Kung mapagsisikapan mo lang na dumistansiya sa mga kaibigan mong confused din sa kasarian, mas mabuti.
Marami na akong kakilalang may homosexuality noon, pero nang unti-unti ay magkaroon sila ng relasyon sa Dios sa pamamagitan ng madalas na pagbabasa ng bible ay nagawa nilang magbago at magpakalalaki.
Sana mapaglaanan mo rin ng oras at pagkakataon na makilala mo si Hesus, na Siya lamang makapagpapabago sa puso ng kahit sino. Walang mawawala kong magbasa-basa ka kahit isang page ng bible kada araw. Ang totoo, magkakaroon ka pa ng umaapaw na pagpapala kapag nagawa mo ito.
Kasama na rito ang kaugnay sa kalusugan ng iyong ina na hinahangad mo. Dahil hindi napapagod ang Dios magpatawad at magbigay ng blessings.
DR. LOVE
- Latest