2 wanted na Koreano, arestado
MANILA, Philippines - Kapwa arestado ang dalawang Korean nationals na wanted sa kanilang bansa sa magkakahiwalay na operasyon ng pulisya sa Makati at Parañaque City na iniulat kahapon.
Sa report na natanggap ng Southern Police District (SPD), kinilala ang mga nadakip na dayuhan na sina Ma Yoonsik at Jeon Eung Shik.
Si Ma ay natunton sa pakikipagtulungan ng Korean Embassy sa isang hotel sa Makati City.
Bukod sa paso na ang pasaporte ni Ma, ay may mga kaso pa itong fraud at paglabag sa door-to-door sales na nagkakahalaga ng P1.7 trillion.
Samantalang, si Jeon ay nadakip naman sa Solaire Hotel and Casino sa Aseana Drive, Parañaque City.
Base sa record ng pulisya ay matagal na itong wanted sa Korea, na sinasabing may nakabinbin warrant of arrest laban dito na ipinalabas ng isang korte sa Korea para naman sa kaso nitong pagpatay.
- Latest