Pagwagtang sa contractualization ipadali

CEBU, Philippines - Nanawagan ang Associated Labor Unions – Trade Union Congress of the Philippines ug ubang labor groups kang Presidente Rodrigo Duterte nga i-certify nga dinalian ang House Bill No. 4444 nga giduso ni TUCP Partylist Rep. Raymond Mendoza.

Ang HB 4444 nagtinguha sa pagwagtang sa kontraktuwalisasyon ug paghimo niini nga usa ka krimen sa mga mobuhat niini.

Matud pa sa grupo nga mabati lang nila ang pamahayag sa Presidente batok kontrak-tuwalisasyon ug ang pagpatuman sa security of tenure kung himoong urgent ang maong balaudnon.

"The spread of contractualization as the new norm exacerbates the impoverished situation of the working poor who are mostly contractuals and who remain poor all their lives," matud sa grupo.

Dugang pa nila nga ang mga contractual gamay og sweldo, walay health, housing ug social security benefits ug uban pang insentibo sa usa ka kompaniya.

Nanawagan sab ang maong grupo nga ipa-repeal ang Article 106 sa Labor Code ug ilisan ang probisyon nga gidili na gyud ang kontraktuwalisasyon.

Samtang ipahigayon karong adlawa ang public hearing sa House Committee on Labor and Employment  kabahin sa maong balaudnon. (BANAT NEWS)