Ermita

“Ermita workers snub Osmeña” – headline sa The Freeman. Ila kining katungod, ug wala man tingali sila pugsa pagpatambong sa miting uban sa mayor ug sa walo ka konsehal sa dakbayan. Apan hangtod kanus-a man kini kutob ang ilang pag-defy sa presensiya sa mayor sa dakbayan? Hangtod mapupos ang suspension sa ilang kapitan?

Sa kapin kuno sa 200 ka empleyado sa Ermita, ang ila ra nga secretary si Erwin Peñaflor ang mitambong sa tigum. Arang-arang na lang, kay more or less, adunay usa nga mitahod sa mayor. Karon, gi-require sila pagpa-submit og daily time record ug accomplishment report.

Mo-defy ba gihapon sila ning maong disciplinary measure sa mayor? Perhaps, maayo tingali nga mo-come in na ang Civil Service Commission ug ang DILG aron mahusay kining tanan.

* * *

Ang administrasyon ni President Donald Trump, giingon nga nag-andam karon og mga kasugoan nga mogukod sa mga 10 milyones ka undocumented immigrants, nga naglakip sa mga nag-TNT nga mga Pinoy.

Sa lista sa Department of Homeland Security (DHS), adunay mga 310,000 ka undocumented Pinoys nga namilegro nga ma-deported ug giingon nga lagmit ang maong gidaghahon muabot pa’g 800,000.

Ang atong Department of Labor namahayag nga ilang gitambagan ang mga undocumented nga mga Pinoy pagpapauli sa dili pa mo-assume si Trump pagka-Presidente gumikan sa saad niini panahon sa kampanya nga iyang i-deport ang mga illegal immigrants. Kun boluntaryo nga mouli, may kahigayunan pa nga mo-apply og visa, apan kun ma-deported na, lisud na.

Matud pa, “New policies are being put into place to stem illegal immigration, and facilitate the detection, apprehension, detention and removal of aliens who have no lawful basis to enter or remain in the United states.”

Kuyaw kay naglakip sa detention. Busa, maayong mopatuo sila sa tambag sa atong DOLE pagpauli na lang samtang wala pa sugdi ang crack down batok sa mga nag-TNT.

Giingon nga ang DHS mo-hire og 10,000 ka Immigration & Customs Emergency (ICE) agents, ug dugang 5,000 ka Customs & Protection agents, ug laing 100,000 ka US National Guard ang i-deploy pagtabang sa pagpanakop sa mga illegal immigrants sa tibuok nasud.

Sa panahon ni Presidente Obama, mga 2.8 million ka ilegals ang na-deported, kasagaran mga convicted felons ug violent offenders. Kining to be issued nga executive order, naghatag og halapad nga gahum sa mga enforcement agencies “to expedite removals or deportation without going through court proceedings.” Dugang detention centers ang tukoron alang ning maong katuyoan. Kuyaw no?