2017 NBA awards

CEBU, Philippines - Mahibaw-an na kun kinsa ang regular season Most Valuable Player sa ipahigayon nga NBA Awards karong adlawa didto sa New York.

Una kining higayon nga usahon  paghatag ang tanang individual awards sa NBA season sa usa ka espesyal nga seremonyas.

Labing giatngan nga bahin sa seremonyas mao ang pagbayaw sa MVP diin tulo  ang mag-ilog sa dungog nga naglakip nila ni Russell Westbrook sa Oklahoma City Thunder,  James Harden sa Houston Rockets ug Kawhi Leonard sa San Antonio Spurs. Si Westbrook mihimo og  kasaysayan  sa miaging season  isip  labing  unang  NBA player  nga  nag-average og  “triple-double” sa tibuok season.  Mirehistro siya og 42 ka triple-doubles nga lisud hitupngan sa liga.

Sila si Harden ug Leonard wala  sa kumingking sa  gibuhat ni  Westbrook,  apan pulos sila nahimong labing mahinungdanong magduduwa sa ilang koponan  nga  miabante sa semifinals sa Western Conference sa miaging playoffs. Hinuon, dili usab layo nga mosulod sa eksena  ang  laing  duha ka  superstars  nga  sila si Kevin Durant sa Golden  State  Warriors ug LeBron James sa Cleveland Cavaliers  nga maoy nag-abot sa NBA Finals.

Gawas sa MVP,  lain pang award mao ang Best Coach, Most Improved Player, Sixth Man of the Year, Rookie of the Year ug Sportsmanship Award. (BANAT NEWS)