Northern Energy miangkon sa number 2 spot sa Bracket A

CEBU, Philippines - Nagkumbinar og 30 puntos sila si Eric Tiongzon ug Uljie Takayuki sa Northern Energy nga mitiklo sa Pagutlan, 65-59 sa 8th J.J. Surplus basketball tournament 2017 niadtong Sabado sa gabii didto sa GT Academy gym sa Tayud, Lilo-an.

Ang team manager nga si Tiongzon mipatuasik og 17 puntos, samtang si Takayuki miambit og 13 puntos sa Northern Energy nga mitapos sa elimination round isip no. 2 ug nakaangkon og “twice-to-beat’ advantage sa quarterfinals ubos sa bracket A.

Ang Pagutlan nga napunta sa ikatulo bitbit ang 4-2 nga baraha, gipangulohan ni Marmar Uzzaraga nga mikamada sab og 17 puntos, gisundan ni Macmac Judilla nga adunay 11 puntos.

Sikit pa kaayo ang kumbati  pagsugod nga miresulta sa panagtabla, 17-all paghuman sa unang 10 minutos sa duwa. Diha na magsugod ang pagdominar sa Northern Energy sa second period ug nagpadayon ang ilang kainit hangtod nga ila  gyud nga napukan ang team ni Titing Aton.

Sa aksiyon sa bracket B, opisyal na nga nakuha sa J&J Surplus ang no. 1 spot ug ang ‘twice-to- beat’ incentives human ilang gipilde ang GT Academy sa iskor nga 89-77.

Gipangulohan ni Jomar Tiwan ang kadaugan nga mirehistro og 19 puntos, samtang sila si Larry Oroyan ug team owner nga si Henry Agbon mitampo’g 17 ug 14 puntos sa J&J Surplus nga mitapos sa eliminasyon uban ang 5-1 win-loss record.

Sila si Apas ug Japos nagkumbinar og 32 puntos sa napildeng GT Academy ni team manager Joe Laurito, apan bisan pa niini, may paglaum pa kini nga madala sa quarterfinals. Mag-ampo lang sila nga  ang Veneranda Housing Association mapilde sa katapusan niining duwa.

Ang  liga  nga  ubos sa  pagtugot  sa presidente niining   si  Henry Agbon, gipadagan ni commissioner Fury Trazona.

Puntos matag usa

Unang duwa:

JJ Surplus (89) – Tiwan 19, Oroyan 17, H. Agbon 14, Cabahug 10, Mangubat 9, Commendador 6, Astillero 4, Maquilan 4, Adulfo 2, J. Agbon 2, Gentereloso 2.

GT Academy (77) – Apas 20, Japos 12, Tiro 9, Bunao 6, Adaptar 5, Hernando 5, Doromal 4, Ore 2, Colminas 2, Hermida 2.

Ikaduhang duwa:

Northern Energy (65) – Tiongzon 17, Takayuki 13, Montealto 9, Garbo 5, Talisic 4, Manubag 4, Ardimer 4, Gumosa 3, Yuson 2, Sarmiento 2, Acabo 2.

Pagutlan (59) – Uzzaraga 17, Judilla 11, A. Icot 10, Bontol 5, Manigos 4, Cabahug 4, Ruiz 2, Aton 2, Abucay 2, Vergara 2. (BANAT NEWS)