12% ng Filipino adult may hypertension
MANILA, Philippines - Umaabot sa 12 porsiyento ng Filipino na nasa ‘adult stage’ ang may hypertension.
Ito ang inihayag ni Health Secretary Pauly Jean Ubial batay sa isinagawa nilang survey kasabay ng pahayag na namamana ang high blood pero maiiwasan kung may healthy life style.
Sinabi pa ng Kalihim na ang pagbalewala sa pagtaas ng blood pressure ay maaring magresulta ng stroke, brain o heart attack.
Base rin sa survey, maraming Filipino ang hindi nagpapatingin sa doctor kahit pa alam na nilang may sakit na sila.
Pinayuhan ni Ubial ang publiko na kaagad magpakonsulta sa doctor sa sandaling makaramdam ng pananakit ng ulo, batok at panghihina.
Anya, karamihan sa may high blood pressure ay walang nararamdaman kaya’t ito ang dahilan kaya hindi napipigilan ang stroke at heart attack na nagiging daan minsan ng biglaang pagkamatay.
- Latest
