Georgia is oh la la sexy!

CEBU, Philippines - Gibalandra sa nagkasikat na karon nga kontrabida sa Philippine television Ryza Cenon ang iyang makabibihag nga lawas pinaagi sa usa ka photo shoot nga iyang gimantala sa iyang IG account (@iamryzacenon), niining bag-o lang.

Suma pa ni Ryza nga produkto kining summer ready body sa iyang paghago pinaagi sa exercise ug diet.

Ang Starstruck 2 Female Ultimate winner, nakadawat karon og positibo nga reaksyon gumikan sa maayong abilidad niya sa pag-arte nga iyang gipakita pinaagi sa toprating teleserye sa GMA-7 matag hapon nga, “Ika 6 Na Utos” kauban ang mga banggiitan nga sila si Gabby Concepcion ug Sunshine Dizon.

Sa usa ka interview gibutyag ni Ryza nga may nagpahulagway niya sa usa ka mall show ug nihunghong nga ganahan na kaayo kining musagpa niya gumikan kay naglungotlungot kini sa iyang ka maldita isip ang kontrabida nga si Georgia sa nahisgutang teleserye.

Suma pa ni Ryza nahimuot siya sa mga pagdayeg nga iyang nadawat apan niangkon sab siya nga dili lalim ang iyang bation matag higayon nga aduna siyay mga bug-at nga eksena sanglit maglabad ang iyang ulo gumikan sa ka emosyonal sa eksena.

Kris, may international career na?

Salabtunon ang instagram post ni Queen of All Media Kris Aquino niining mga nakalabay nga adlaw may kalambigitan sa iyang TV career.

Una niini, gipadayag ni Kris pinaagi sa iyang instagram account nga ni-audition siya alang sa usa ka international project, diin nakuyawan matud pa siya og maayo samtang nagpaabot sa resulta niini.

Sa nilabay nga gabii, gipadayag ni Kris nga nakadawat na matud pa siya og “Good News” apan dili siya mahimong mudetalye niini gumikan sa iyang gipirmahan nga “non-disclosure agreement”, hinungdan nga tak-om lang una siya sa pagkakaron.

Apan gipadayag ni Kris nga tubag na matud pa kini sa iyang pag-ampo ug taod-taod na niyang gipaabot. Gipadayag usab niya nga mahigugmaon ug buotan gayud ang Ginoo, diin niabot ang maong balita sa panahon nga gikinahanglan kaayo niya kini.

Ug kay dili man lagi makadetalye kabahin niini, gi-promote na lamang ni Kris ang iyang umaabot nga TV special nga mulugwa na gyud sa GMA-7 karong Domingo, human sa Kapuso Mo Jessica Soho. Giulohan og “Trip ni Kris” nitaak sila sa Nueva Ecija alang niini.

Di madayon

Kumpirmado nga di na gyud madayon ang reunion movie nila ni Sharon Cuneta ug Gabby Concepcion karong tuiga. Sigun sa pahayag sa manager ni Gabby nga si Therese Ramos nga puno ang schedule ni Gabby ug daghan kini og mga katungdanan sa Kapuso network nga angay nga unahon.

Big fan

Gibutyag ni Mateo Guidicelli nga usa gyud siya ka big fan sa Kathniel tungod kay usa gyud siya sa mga nakasinati kun unsa kini ka propesyonal nga katrabaho. Matud pa niya nga maayo kini og batasan bisan og taas na kini og naabot sa ilang karera.

Calling ang pag-artista

Gitug-an ni Cathy Barber nga dakong tabang ang nahimo sa show business ngadto sa iyang anak nga si Edward Barber. Matud pa niya nga mao kini ang nakapahigmata kang Edward aron masuta kun unsa ang gusto nga i-career niini sa kinabuhi. Dugang pa ni Cathy nga ang pag-artista gyud ang calling alang kang Edward.

Dalit sa fans

Midetalye na si Robin Padilla mahitungod sa iyang umaabot nga action movie series nga Bad Boy 3. Una nga napasalida ang Bad Boy 3 niadtong 1992 ug banhawon kini niya gumikan kay gusto niya hatagan og katumanan  ang request sa iyang mga fans nga dugay ra nga naghuwat sa iyang pagbalik sa pag-arte.

Sa social media ra

Mutuki na karon kabahin sa lovelife ang Kapuso singer nga si Christian Bautista. Matud pa niya nga maayo ra ang dagan sa iyang relasyon ngadto sa iyang hinigugma nga si Kat Ramnani. Dugang pa niya atangan na lang sa ilang social media accounts ang dugang mahitabo sa ilang relasyon. ”Abangan niyo nalang sa social media since doon naman lahat magaganap ang mga proposals and wedding announcement’, suma pa ni Christian.

Gidayeg ni Jaclyn

Na-flatter ang Starstruck 6 First Finalist nga si Elyson de Dios tungod kay gidayeg siya pag-ayo sa Cannes Best Actress nga si Jaclyn Jose. Ang duha magkatrabaho sa comedy-drama series nga D’Originals sa GMA-7. Tsika pa ni Elyson nga nadasig siya sa mga pamulong ug pagdayeg ni Jaclyn.

Close na

Gitug-an ni Janella Salvador nga nakasugakod na sila sa stage nga kanunay sila nga maglalis sa iyang inahan nga si Jenine Desiderio tungod sa mga butang nga dili sila mag-uyon. Matud pa niya nga mas close na sila niini ug magkasinabot na sila sa ilang mga personal nga mga desisyon.

Damgo sa amahan

Suportahan ni Sylvia Sanchez ang iyang anak nga si Ria Atayde kun makahukom kini nga mosalmot sa Binibining Pilipinas puhon. “Sa totoo lang, mas busy sa akin ang mga anak ko. Pero kung sasali nga ng beauty pageant si Ria, ang unang matutuwa dyan ang daddy niya. Pangarap talaga yan ng tatay niya para sa kanya”, suma pa ni Sylvia.

Di matandog

Gipanigurado ni Kim Chui nga dili mawala ang tandem nila ni Xian Lim bisan og magkapares sila pagbalik ni Gerald Anderson. Tsika pa niya nga pabilin ang koneksyon nilang duha ni Xian. Dugang pa niya espesyal gyud si Xian alang kaniya.

Tip ni Marian

Mihatag og pahimangno ang Kapuso Primetime Queen nga si Marian Rivera ngadto sa swerte nga mapilian isip modala sa karakter ni Darna. “Alagaan niya at gawin niya lahat para ma-justify niya yung karakter niya”, suma pa ni Marian. (BANAT NEWS)