Kotongan sa poea talamak

MANILA, Philippines - Dahil sa umano’y talamak na kotongan sa Philippine Overseas Employment Administration (POEA) ay nakatakdang balasahin ang mga opisyal dito.

Ayon kay Labor Secretary Silvestro Bello III, ang planong ito ay haharapin niya sa oras na makabalik siya mula sa ikaapat na round ng peace talks.

Nasa kaniya na umano ang mga pangalan ng POEA officials na inakusahang nangongotong bagamat hindi naman tinukoy kung sinu-sino.

Nangako din si Bello na paiimbestigahan niya ang grupo ng mga isinasangkot sa nasabing anomalya.

Kabilang sa impormasyong nakarating kay Bello na na ilang opisyal umano ng POEA ang naghihingi ng pera para sa pabor na maiisyuhan ng overseas certificates of employment (OEC) ang mga manggagawa, kahit hindi kuwalipikado.