Bise alkalde namaril ng tinedyer

MANILA, Philippines - Sa selda humantong ang isang bise alkalde matapos itong mamaril ng isang tinedyer  na nakasagutan nito kamakalawa ng gabi sa Poblacion, Mabuhay, Zamboanga Sibugay.

Ang biktima na dinala sa Mabuhay Rural Health Unit ay kinilalang si Noel Bacolod Jr., 19 na nagtamo ng tama ng bala sa kaniyang kanang balikat.

Ang suspek na sumuko sa mga otoridad ay si Mabuhay, Zamboanga Sibugay Vice Mayor Anam Dammang.

Sa ulat bago naganap ang pamamaril bandang alas-8:30 ng gabi ay nakabangga ng alkalde ang biktima na ikinairita ng una at binaril ang huli gamit ang hindi pa natukoy na kalibre ng armas.