Dalan sa Camp Lapu-Lapu paablihan kun peak hours
CEBU, Philippines - Nakig-alayon si Cebu City Mayor Tomas Osmeña sa pangu sa Cebu City Transportation Office Atty. Rafael Christopher Yap aron mahibaw-an ang peak hours subay na sa plano sa mayor nga ablihan sa publiko ang access road sa Camp Lapu-Lapu. Matud pa napaabot na man sa mayor ang iyang tinguha sa nasudnong kagamhanan bahin niini.
Si Osmeña ug Presidential Management Staff Head Bong Go nagka-estoryahay na kalabot sa iyang plano apan sa panahon lang nga peak hours kay maghuot gyud pirme ang Banilad-Talamban area.
Wala pa hinuon mahibaw-i kun kanus-a mabuksan ang access road apan gihulagway sa mayor nga usa kini ka maayong balita. (BANAT NEWS)
- Latest