Random drug testing sa high school iginiit
MANILA, Philippines - Dapat nang maisagawa ang random drug testing sa high school.
Ito naman ang apela ni Manila 6th District Councilor Joel Par sa Division of City Schools upang maiiwas sa iligal na droga hangga’t maaga ang mga high school students mula sa pribado at pampublikong paaralan.
Ang ‘‘RESOLUTION STRONGLY URGING THE MANILA DIVISION OF CITY SCHOOLS TO CONDUCT RANDOM DRUG TESTING OF SECONDARY LEVEL STUDENTS OF BOTH PUBLIC AND PRIVATE HIGH SCHOOLS IN THE CITY OF MANILA IN SUPPORT OF PRESIDENT RODRIGO DUTERTE’S WAR ON DRUGS’’ ay inaprubahan ng konseho sa pangungu-na ni Manila Vice Mayor Presiding Officer Vice Ma-yor Honey Lacuna.
Ayon kay Par, panahon na upang ipatupad ang random drug testing upang maiwasan na rin ang pagtaas ng bilang ng mga high school students na nasasangkot sa illegal drugs.
Lumilitaw na bagama’t may kampanya ang pama-halaan laban sa iligal na droga, may mga estudyante pa rin ang nasasangkot upang takasan umano ang kanilang mga kahirapan sa buhay.
Sa pamamagitan ng random drug testing, malalaman ang mga estudyante na dapat na bigyan ng ayuda ng pamahalaan upang maisalba ang kanilang kinabukasan.
Hindi na dapat na umabot na maging miyembro pa ng sindikato ang mga kabataan at maging kalaban pa ng pamahalaan.
- Latest
