Ang doktor nga may brain tumor (1)

Kasinatian kini ni David Servan-Screiber MD, Ph.D, usa ka doktor nga matud pa niya na-diagnos siya nga may  brain tumor, mga 12 na ka tuig  ang nakalabay. Nagpa-chemotherapy siya apan wa madugay nibalik ang kanser niya. Busa giantos niya ang 2ka operasyon (surgery) ug ang 13 ka  chemotherapy nga maoy solusyon segun sa iyang  oncologist, nga espesyalista nga doktor sa kanser.

Dihang nangutana siya sa nag-atiman niyang doktor kun mahimo ba usbon ang diyeta o pagkaon niya nitubag kini nga  makakaon ka bisa'g unsa kay wala nay diperensya. Sa hunahuna ni Dr. Screiber, dakong sayop ni apan dili niya kini mabasol kay ang pagtuon nila sa medical ang solusyon sa pagtambal mao ra gyud ang druga (drug medicine). Menus ang pagtudlo sa dakong kapuslanan sa natural nga nutrisyon nga makatabang kini sa pag-ayo ilabi na sa kanser.

Niya pa, karong nilabay nga dekada daghan nang mga pagtuon ug mga research ang nahimo  og nadiskubrehan nga nasulayan nga dunay daghang pagkaon nga gitawag og anti-cancer foods. Una niya kini gigamit sa iyang kaugalingon  nigasto siya'g salapi ug pipila ka bulan  nga nangunay sa pagrebyu ug pagkompirmar niini kun unsa gayud kini ka-epektibo.

Ug matud niya iyang gilista kining mga pagkaona nga anti-cancer kay gumikan niini mao ni ang hinungdan ngano hangtud karon gilugwayan pa ang iyang kinabuhi.

Gusto niya makatabang sa ubang nawad-an nas paglaum. Busa gi-share niya kanato ang mga cancer fighter foods aron sab kapuslan. Nga makahatag paglaum nga malugwayan sab ang ila'ng adlaw nga mabuhi pa.