Gong Yoo kever sa social media
CEBU, Philippines - Dili mahiligon ang Korean star nga si Gong Yoo sa pagkonektar sa iyang fans pinaagi sa social media hinungdan nga wala gyud siya’y mga account sa nagkadaiyang social networking sites.
Wala usab sa iyang bokabularyo ang selfie gumikan kay alang kaniya, dili na kini natural gumikan kay i-edit gihapon kini .
“First of all, I don’t have SNS (social networking service) accounts because I don’t like taking selfies and photos in general. I like to see things in person rather than capturing them in photo form,” suma pa sa aktor sa usa ka press conference didto sa Taiwan .
Usa si Gong Yoo sa mga bitoon sa bag-ong Korean series nga ipasalida sa ABS-CBN nga Goblin .
Daniel kalmadong mitubag
Kalmadong nihatag og reaksyon si Daniel Padilla kalabot sa negatibong komento nga iyang nadawat gikan sa beteranong singer nga si Richard Reynoso kinsa nisaway sa iyang performance atol sa coronation night sa Bb. Pilipinas 2017.
"Ewan ko. Pasensya na siguro. Mali siguro ako,” suma pa ni Daniel sa interview niini sa dzMM.
Matud pa sa aktor nga pasagdan ra niya ang opinyon sa nahisgotang singer.
“Kung ‘yun ang opinion niya wala naman tayong magagawa," nagkanayon ang aktor.
Gahuwat gyud
Grabe ang paghinam-hinam nga gibati ni Miss International Philippines 2017 Maria Angelica De Leon sa dihang naghuwat siya sa backstage sa ASAP aron magpa-selfie ngadto kang Liza Soberano. Ang beauty queen dugay ra nga niidolo kang Liza. Daghan usab ang nag-ingon nga anggid silang duha og nawong. “She really has one of the most beautiful faces in the Philippines. I really waited for her backstage so I could sneak a quick selfie in. Ayan tuloy, ang weird ng face ko kasi nag panic. Haha! Ganda.“ Suma pa sa Instagram post sa beauty queen.
Deny gihapon
Subling gitin-aw ni Daniel Matsunaga nga dili kuwarta ang rason sa panagbuwag nila ni Erich Gonzales. Pulong pa ni Daniel nga itugyan na niya tanan ngadto sa Ginoo ang mahitabo nilang duha ni Erich sanglit duna na silay tagsa-tagsa ka kinabuhi
Nag-date
Giangkon ni Jak Roberto nga nag-date sila ni Barbie Forteza niadtong Labor Day. Mao kadto ang unang higayon nga sila rang duha sa aktres ang nanglaag ug nanan-aw og sine.
Lifestyle ni Gerald
Human makasalmot og nagkadaiyang triathlon training sa miaging tuig, gusto na niya nga ipadayon ang pagkamahiligon niya sa sports aron makahatag og inspirasyon ngadto sa uban. “Lifestyle na siya. I’m sure lifestyle para sa aming lahat. Personal goal ko na makapag-inspire ng mga tao na mag-exercise and magkaroon ng happy and healthy lifestyle", suma pa ni Gerald.
Kontento ra
Kontento ra ang kanhi Binibining Pilipinas Universe nga si Shamcey Supsup sa nahitabo sa iyang karera karon. Malipayon na siya sa iyang hosting events busa wala pa gyud masulod sa iyang hunahuna nga modawat og acting project.
Nasakit ang amahan
Mapasalamaton ang Kapamilya star nga si Jane Oineza ngadto sa iyang social media followers kinsa mitabang og ampo alang sa kaayuhan sa iyang amahan nga na-confine hangtod karon sa Metro North Medical and Hospital Center. Ang iyang amahan nahiagom og hemorrhagic stroke.
Bag-ong medalya
Emosyonal gyud ang Kapuso aktor nga si Rocco Nacino sa dihang midawat siya sa iyang gold medal sa IBJJF Jiu-Jitsu Championship sa Manila International Open 2017. Ubay-ubay na nga pasidungog ang nadawat niya kaniadto .
Lakip gihapon
Dili gihapon makatoo ang komedyante nga si Boobay nga mahimo gihapon siyang parte sa pagbalik sa comedy show nga Celebrity Bluff. Mapasalamaton siya sa mga boss niya sa Kapuso Network tungod kay misalig pa gyud kini sa iyang talento. Pasalig niya nga doble nga kalingawan ang idalit niya sa maong programa.
Naaksidente
Caught on camera ang pagka-aksidente ni Daniel Matsunaga sa dihang nagbackflip siya atol sa rehearsals sa I Can Do That. Mao kini ang hinungdan nga nalandig siya sa tambalanan sulod sa duha ka adlaw.
Nag -reunion
Nagkita pagbalik si Lotlot de Leon ug iyang biological family didto sa Florida. Human sa 45 ka tuig nga wala ang matuod nga pamilya, nakit-an na gyud niya kini human sa taas nga panahon nga pagpangita niini. Katapusan sila nga nagkita sa iyang amahan niadtong 2009.
Lani nasayop og pamalita
Nangayog pasaylo si Bacoor Mayor Lani Mercado tungod sa sayop nga pagpakatap niya og balita sa Twitter nga matud pa nipanaw na si Ilocos Norte Representative Imelda Marcos.
"Our condolences to the Marcos Family. It was a pleasure and a privilege to work with Cong. Imelda Romualdez Marcos", post pa ni Lani sa iyang Twitter account.
Dali ra usab nga gipapas ni Lani ang maong post ug nangayo dayun og pasaylo.
“I would like to apologize for my tweets which I have erased. I received news break message informing the public about Mrs. Marcos", suma pa ni Lani. (BANAT NEWS)
- Latest