La Salle kampeon din sa UAAP women’s football
MANILA, Philippines - Tinapos ng La Salle ang kanilang perfect campaign sa pamamagitan ng title-clinching 3-1 panalo laban sa University of Santo Tomas noong Linggo ng gabi sa UAAP LXXIX women’s football finals sa Rizal Memorial Stadium.
Umatake sina National mainstays Sara Castañeda at Inna Palacios sa hu-ling bahagi ng laban nang basagin ng Lady Archers ang 1-1 standoff tungo sa 9-0 sweep ng tournament para sa ikasiyam na football title ng DLSU.
Pitong taon na nang huling makatikim ng korona ang Lady Archers upang masundan ang tagumpay ng kanilang women’s volleyball team noong Sabado.
Pambawi rin ito sa masaklap na pagkatalo ng DLSU lady booters sa finals noong nakaraang taon matapos ang kanilang magandang simula.
“It’s about time. The girls deserve this considering that we’re not a complete team, healthy team. And with the injuries and everything there and coming out champions with a perfect season, what else can I say?” pahayag ni DLSU coach Hans Smit.
Iniligtas nina Castañeda at Palacios, mi-yembro ng Phl squad na nag-qualify sa 2018 AFC Women’s Asian Cup ang mga La Sallians.
Nakaiskor si Castañeda mula sa pasa ng kanyang kapwa National player na si Irish Navaja para iangat ang La Salle sa 2-1 sa 87th minute. Umiskor naman si goalkeeper Palacios, naglaro ng kanyang final game, ng mailap na goal mula sa penalty kick na sumiguro ng panalo ng La Salle.
Unang nakaiskor ang DLSU sa 57th minute mula kay Kyra Dimaandal na sinagot ni Hazel Lustan, makalipas ang 12 minuto.
- Latest
