Balaod nag-limit sa usbaw sa rental sa mga pinuy-anan

Dear Atty. Divine,

Duna ko’y gipaabangan nga apartment. Kasagaran sa mga nag-abang niini, kutob ra sa duha ka tuig. But ang among kontrata, yearly ang renewal. Ang akong pangutana, puwede ba ko magpa-increase sa rental matag tuig? May limit ba kun pila ang angay’ng iusbaw sa abangan? Daghang salamat. — Darwin

Dear Darwin,

Base sa Rent Control Act, kun ikaw nagpaabang og pinuy-anan, angay nga dili mosubra sa 7% matag tuig ang imong ipatuman nga usbaw sa rental.

Base sa maong balaod, mahimo nga mopatuman ka og increase sa rental every year, basta dili lang mosubra sa 7% ang usbaw kun the same person ang nag-abang.

Apan kun laing tawo na usab ang moabang sa sunod tuig, mahimo ra nga imong usbawan og subra sa 7% ang rental sa bag-o nga nangabang. Busa ang 7% nga limit sa increase, mo-apply lang kun i-renew sa nangabang og laing tuig ang iyang kontrata kanimo. Thanks and God bless. - Atty. Divine

* * *

Alang sa iyang pangutana, ipadala lang sa Legal Corner sa Banat News sa V. Gu?las St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.