Pantanggal ng Mantsa Mula sa Mamantikang Pagkain

Hindi maiiwasan ang mamantsahan ang damit lalo na ng mga bata. Iba’t iba rin ang mga mantsa mula sa putik, pagkain, grasa, at kung anu-ano pa. Pero kung mantsa mula sa mga mamantikang pagkain ay mas mapadadali ang problema sa paglalaba. Maaari kasing gamitin ang dishwashing soap para mas mapabilis ang pagtanggal ng mantsa.

Hugasan muna ng dishwashing soap ang namantsahang parte ng damit bago ito labhan gamit ang detergent soap. Magugulat kayo na mas mapabibilis ang trabaho. At dahil gentle ang dishwashing soap, hindi ito makasisira ng damit at marami ring tela tulad ng silk at wool.

Dahil din dito, maiiwasan ang paggamit ng bleach na siyang numero unong makapagpapaluma ng damit.

Ito po ang inyong Kumpunerong Kuya na nagsasabing, kung gusto maraming paraan!