Dalagang Ipinapahiya ni Nanay
Dear Vanezza,
Laging nakasigaw ang nanay ko sa akin. Naiintindihan ko po ang pagsusungit ni nanay nung bata ako. Pero ngayong dalaga na ako at 16 years old na ay nahihiya ako sa mga nakakarinig ng sermon niya. Madalas ko po siyang sabihan na hindi niya kailangan sumigaw, pero malakas pa rin ang boses niya na parang laging galit. Hindi pa namimili ng oras o lugar si nanay kapag nagagalit. Paano po ba masasabihan si nanay? – Jade
Dear Jade,
Pagpasensiyahan mo na si nanay dahil marami siyang iniisip. Makatutulong kapag maging maingat nang hindi ma-trigger ang galit ni nanay. Laging sumunod sa kanyang inuutos. Kapag malamig ang ulo ay saka paalalahanan na huwag kang sigawan sa harap ng ibang tao. Tiyak na maiintindihan ka ng iyong nanay na walang ibang hiling kundi ang kabutihan mo.
Sumasainyo,
Vanezza
- Latest