Angelica nagbangotan
CEBU, Philippines - Nagbangotan si Angelica Panganiban sa kamatayon sa iyang adoptive father . “Ikaw ang pinakamatibay na taong kilala ko. Napakapalad ko na ikaw ang naging Ama ko. Hindi ko ipagpapalit ang buhay na nagkaroon ako dahil sa inyo,” suma pa sa Instagram post sa aktres.
No need
Tsika pa ni Robin Padilla nga makatabang ra siya sa bisan unsa nga pamaagi busa dili na kinahanglan nga makahupot siya og posisyon sa gobyerno. Usa si Robin sa mga loyal supporter ni Presidente Rodrigo Duterte. Nasayran nga pipila sa mga artista nga nisuporta kang Digong ang naghupot na karon og posisyon sa gobyerno.
Healthy lifestyle
Gibarogan gyud ni Ai Ai delas Alas ang iyang healthy lifestyle . Kun mobakasyon ang komedyanteng aktres, nagbitbit gyud siya kanunay og organic food. Naglikay si Ai Ai sa mga pagkaon nga dunay chemical.
Aljur tabangan
Giingong tabangan sa manager ni Kaylie Padilla nga si Betchay Vidanes ang career ni Aljur Abrenica. Kahinumdoman nga wala na gi-renew sa GMA-7 ang kontrata ni Aljur. Miulbo ang istorya nga posibleng makatrabaho puhon si Aljur sa ABS-CBN.
Nagbaha ang fans
Gidumogan sa bagang duot sa mga tawo ang concert ni Vice Ganda sa Los Angeles niadtong Sabado. Matud pa nga sold out ang tickets sa maong konsyerto.
Hanggang Dulo
Si Sharon Cuneta ang mokanta sa theme song sa pantaserye nila ni Daniel Padilla ug Kathryn Bernardo nga La Luna Sangre. Ang maong awit nag-ulohan og Hanggang Dulo.
Utokan ang mga anak
Gipasigarbo sa magtiayong Zoren Legaspi ug Carmina Villarroel ang kaluha nila nga anak nga sila si Mavy ug Cassy gumikan kay puros kini honor students. Prayoridad sa ilang mga anak ang pag-eskwela ug gipadaplin lang una niini ang plano nila nga mosulod sa showbiz
Andi naalarma
Giangkon ni Andi Eigenmann nga naalarma siya sa dihang nakadawat siya og tsika nga matud pa nga niduso si Jake Ejercito sa petisyon sa korte aron makakuha og “joint custody” alang sa ilang anak nga si Ellie. Mao kini ang rason nga nagyawyaw siya og maayo sa Twitter sa miaging adlaw. Gitataw usab ni Andi nga dili tinuod ang tsismis nga matud pa gipalayo niya kang Jake ang ilang anak.
Pahimangno ni Mama
Gipahimangnoan ni Sunshine Dizon ang anak niya nga si Angelie nga kinahanglan dili pasagdan ang pag-eskwela niini bisan pa man nga nakabaton na kini og singing career. Ang duha maoy special guests sa programang Magandang Buhay kagahapon. (BANAT NEWS)
- Latest