2 babae nagbigti

MANILA, Philippines - Dalawang babae ang nagbigti sa magkahiwalay na lugar sa Sampaloc, Maynila at Caloocan City.

Sa Maynila kinilala ang biktimang si Kathe­rine Santos, 39, dalaga na natagpuang nakabigti sa kanilang bahay sa 1040 Mindoro St., Sampaloc, Maynila, dakong alas-10:45 ng gabi.

Ayon sa kapatid ng biktima na si Kathrina wala silang alam na dahilan kung bakit ito nagbigti.

Sa Caloocan City ay natagpuang nakabigti rin ang isang 24-anyos na dalaga na si Angelica Botor, 24,  ng Block 1, Lot 38, Phase 5, Carissa Homes, Brgy.171, Bagumbong ng naturang siyudad.

Sa imbestigasyon alas-8:00 ng gabi nang madis­kubre ang wala nang buhay na biktima ng kapitbahay na si Dexter Alonzo sa kuwarto nito sa naturang lugar.

Huling nakitang buhay ang biktima alas-11:30 ng umaga noong Sabado ng kanyang among si Marvi Bracia, 33.

Patuloy ang imbestigasyon kung may naganap na foul play sa dalawang insidente.