Ateneo studes nag-rally kontra death penalty
MANILA, Philippines - Aabot sa 200 mga estudyante ng Ateneo De Manila University (ADMU) ang nag-walk out sa kanilang mga klase para magsagawa ng kilos protesta laban sa pagbabalik ng death penalty.
Bitbit ang kanilang mga placards na nakasulat ang kanilang sentimyentong kontra sa parusang kamatayan, humilera ang mga estud-yante sa labas ng kanilang unibersidad sa gilid ng Katipunan Avenue, Quezon City para ipakita ang kanilang matinding pagkontra sa prayoridad na ito ng Duterte administration.
Hinikayat din ng mga estudyante ang mga motorista na bumusina bilang pakikiisa sa kanilang ginagawang kilos protesta laban sa death penalty.
Ayon sa mga Atenista, sagrado anila ang buhay at hindi basta kinikitil ng ganun lang guilty man o hindi. “the death penalty should not be passed and we are very much against with the pas-sing of the death penalty,” ayon kay Carmela Vinson, head student council ng pamantasan.
Kinondena rin ng grupo ang mabilisang pagpasa sa pagbabalik ng death penalty ng mga Kongresista sa ikalawang pagbasa nito kamaka-lawa ng gabi.
- Latest