Pumapatay sa Isang relasyon
Maraming bagay na pumapatay sa isang relasyon. Tulad ng pagiging kritisismo sa partner na hindi nawawalan ng reklamo sa isa’t isa.
Yung tipong wala nang nakitang tama sa ginawa ni misis, mister, o dyowa. Hindi pinapalampas na lahat ng pagkakamali na imbes tulungan ay paulit-ulit pang pipintasan sa kapalpakan.
Ang unlimited na kritisismo ay nagbabaon ng sugat hanggang sa tuluyan nang masira ang relasyon. Dapat ay suportahan ang partner at tulungan si mister sa kanyang pagkukulang. Imbes na sumbatan ay pagpasensiyahan at paalalahanan ng kanyang pagkakamaling paulit-ulit din.
Maaaring punahin ang mali ni misis o nobya, pero gawing constructive ang komento nang hindi masakit pakinggan. Ang tamang strategy sa pagpuna ay ang sandwich psychology na positive, negative, at positive ang atake. Sample: sweetheart masarap ang luto mo, kaso maalat, pwedeng timplahan mo uli.
Ganung banat para at least na-appreciate mo muna ang effort niya saka sabihin ang mali, pero sundan ng positive na pangpakalma nang mabuong muli ang kanyang damdaming nasaktan na may positibong pagtatama.
- Latest