BPC trophy wala nang kawala kay Fajardo
MANILA, Philippines - Nangunguna pa rin si reigning MVP June Mar Fajardo ng San Miguel Beer sa Best Player of the Conference race matapos ang semifinals ng Philippine Basketball Association (PBA) Philippine Cup.
Nakalikom ang 6-foot-10 slotman ng 43.4 Statistical Points (SPs) mula sa kanyang averages na 19.4 points, 15.2 rebounds, 2.4 blocks, 1.5 assists at 0.3 steal sa 19 pagsalang.
Nasa ikalawa si Terrence Romeo ng Globalport na may 40.2 SPs buhat sa 28.2 points, 4.2 rebounds, 6.1 assists, 1.4 steal at 0.2 block sa 13 laro habang ikatlo si Calvin Abueva ng Alaska na may 31.9 SPs galing sa 16.8 points, 9.0 rebounds, 2.4 assists, 1.4 steal at 1.4 block sa 11 laro.
Ikaapat si Arwind Santos ng Beermen (31.79) kasunod ang katropa nitong si Alex Cabagnot (31.76).
Pasok sa Top 10 sina Japeth Aguilar ng Barangay Ginebra (31.6), rookier Matthew Wright ng Phoenix (30.5), Jayson Castro ng Talk ’N Text (29.8), Chris Newsome ng Meralco (29.7) at Marcio Lassiter ng Beermen (29.6).
Maliban sa SPs, kasama rin ang boto ng mga kapwa manlalaro, ng media at ng PBA sa pagdedetermina ng Best Player of the Conference.
- Latest
