FDR Visayas GP andam na
CEBU, Philippines - Andam na ang tanan alang sa labing unang FDR Visayas Grand Prix karong Domingo didto sa Hoopsdome, dakbayan sa Lapu-Lapu.
Nag-organisar sa maong kulbahinam nga lumba sa motor mao sila si Charlie Ong ug Bryan Mallari sa Mallari Racing Development.
Kapin sa 100 ka mga riders ang mosalmot sa maong karera nga gipresentar sa FDR ug gipaluyohan sa Lapu-Lapu LGU inabagan sa YSS, SSS, KYT, Inside Racing, The Racing Line, Honda, Suzuki, Yamaha ug MS Motosuit.
Mga kategoriya nga banatan mao ang expert, intermediate, novice underbone ug automatic 130, beginners underbone ug a/t superstock 115 ug ladies Honda Beat ug underbone superstock. Duna sa’y Honda, Suzuki ug Yamaha Club race.
Ang rehistrasyon nagkantidad og P350.
Gawas sa tropeyo, ang mga mananaog matag kategoriya makadawat sab og ganting salapi. (BANAT NEWS)
- Latest