Bagong People Power malabo - Lacson

MANILA, Philippines -  Dahil mataas pa rin ang trust rating ni Pangulong Duterte, naniniwala si Sen. Panfilo Lacson na malabong mangyari ang panawagan ng ilan sa panibagong People Power matapos lumabas si dating SPO3 Arthur Lascañas at kumpirmahin na ang Pangulo umano ang nasa likod ng Davao Death Squad (DDS) noong mayor pa ito ng Davao City.

“Malabo, Malabo. At this point in time especially ngayong time mataas ang trust rating ni PRRD, baka hindi umubra ang people power,” ani Lacson.

Lalo umanong mahirap ang panawagan sa mga miyembro ng Gabinete na kumalas na matapos ang mga bagong rebelasyon laban sa Pangulo.

“Lalong mahirap yan. Kasi appointee ng President yan. Ang iba hindi pa confirmed, ang iba ka-confirm lang. So medyo mahirap,” ani Lacson.

Naniniwala rin si Lacson na bagaman at hindi tiyak ang galaw sa loob ng military, walang indikasyon na sasama ang mga ito sa panawagan ng pag-aaklas.

“But of course di natin alam ano nangyayari sa loob (ng military). Pero all indications, mukhang malabo. Kung meron mang effort sa destabilization medyo malabo mag-succeed,” ani Lacson.