12 foreign trips ni Digong kumita ng $5.85-B investments
MANILA, Philippines - Gumastos ang gobyerno ng P277 milyon para sa 12 foreign trips ni Pangulong Duterte subalit nakakuha naman ng US$5.85 bilyon na foreign investment ito at mahigit na 350,000 na posibleng trabaho, ayon kay Presidential Spokesman Ernesto Abella.
“The President made a total of seven foreign trips, visiting a total of 12 countries since he took office. These visits incurred about P277 million in expenses which included airfare and others,” pahayag ni Usec. Abella.
Ang mga foreign trips ng Pangulo noong 2016 ay sa mga bansang Laos, Indonesia, Vietnam, Brunei, China, Japan, Thailand, Malaysia, Peru, New Zealand, Cambodia at Singapore.
Ipinunto pa ni Abella, ang China trip ni Pangulong Duterte ay nagresulta sa $4 bilyong investment at 100,000 trabaho sa 20 kasunduan habang ang Japan trip ay tinatayang nakakuha ng $1.85 bilyong investment bukod sa tinatayang 250,000 jobs mula sa 5 government to government agreements.
- Latest
