Rody kay Bishop Bacani: Pareho lang tayo 2 ang asawa Rudy Andal
MANILA, Philippines - Binanatan ni Pangulong Rodrigo Duterte si Bishop Ted Bacani nang ibinunyag nito kahapon na parehas lamang sila na dalawa ang asawa batay sa librong Altar of Secrets.
Hinimok pa ng Pangulo ang taumbayan na basahin ang librong Altars of Secrets tungkol sa corruption, sex and lies sa loob ng Catholic Church na isinulat ng award-winning investigative journalist ng NewsBreak na si Aries Rufo.
“Kung tawagin ninyo kaming mga politicians, madumi. E Kayo?,” dagdag pa ng Pangulo sa pag-atake nito sa mga Obispo at Pari.
Aniya, pare-pareho lamang sila ng mga pari at Obispo ng kasalanan, pambababae kasabay ang paghahamon sa mga opisyal ng CBCP na pagbibitiw kasabay niya.
Wika pa nito, ang tanging pagkakaiba lamang nila ng mga Obispo ay hindi siya ‘corrupt’ na tulad nila.
Inungkat muli ni Duterte ang paghingi ng mga Obispo ng Pajero sa panahon ni dating Pangulong Arroyo para gamitin daw nila sa charity works nila.
“But there is God. You better cultivate your relationship with God,” dagdag pa ng Pangulo.
“One day I will write a book on hypocrisy, all of it about politicians, but you (bishops) will be have a starring role,” giit pa ni Duterte.
- Latest