2016 target sa Kapitolyo nakuha

CEBU, Philippines - Nilapas sa target nga kita ang Probinsiya Sugbo sa tuig 2016 gikan sa P2.8 bilyones ngadto sa kapin sa P3 bilyones.

Matud ni Provincial Treasurer Emmanuel Guial nga gawas sa internal revenue allotment nga P2.5 bilyones, nakatampo ang Cebu South Bus Terminal nga nikita P69 milyones ug mga provincial ug district hospitals nga nikita sab og P240 milyones sa tuig 2016.

Karong tuiga, target sa Kapitolyo ang P3.1 bilyones diin lakip niini ang target nga P2.9 bilyones nga IRA. Usa sa gitan-aw nga makadugang sa kita sa Kapitolyo ang gibaylo nga luna sa Siyudad sa Sugbo sa mga luna sa 93-1 kung kini ma-develop. (BANAT NEWS)