Sylvia nadala sa eksena
CEBU, Philippines - Giangkon ni Sylvia Sanchez nga dili gyud basta-basta ang mga eksena niya sa seryeng “The Greatest Love” ug dunay higayon nga dalhon unta siya sa tambalanan gumikan kay naglisod siya og ginhawa.
Gidala sa aktres ang karakter sa usa ka inahan nga duna Alzheimer’s disease ug nahimong viral sa social media ang pipila nila ka mga eksena.
“Muntik akong itinakbo sa ospital diyan dahil nag-palpitate ako. Unang eksena, medyo hindi ako nakahinga. Noong pangalawa wala na,” suma pa ni Sylvia sa interview niini sa programang Magandang Buhay kagahapon.
Mapasalamaton si Sylvia nga naa ra’y medical team sa ilang set busa natabang ra ang iyang kondisyon kun diin ni-aksyon og saka ang iyang blood pressure .
Giangkon ni Sylvia nga nadala gyud siya kasagaran sa mga eksena sa maong serye nga matud pa napuno sa emosyon.
“Magagaling kasi ‘yong mga kasama ko e, so kapag iyakan, drama na, sa kanila na ako humuhugot. Hindi na kailangang i-motivate mo ‘yong sarili mo. Basta nakikinig ka lang tapos nararamdaman mo sila, lalabas at lalabas,” dugang pa niya.
Kauban ni Sylvia sa “The Greatest Love” mao sila si Dimples Romana, Arron Villaflor, Matt Evans, Andi Eigenmann, ug Joshua Garcia.
Ang pagrampa sa swimwear competition
Nisikad na kagahapon ang swimwear competition sa 65th Miss Universe nga gipahigayon sa JPark Island Resort and Waterpark Cebu nga nahimutang diha sa Lapu-Lapu City.
Nitikang usab sa maong kalihokan si Miss Universe 2015 Pia Wurtzbach kinsa gikagubtan usab sa mga tawo kagahapon.
Andam na usab ang tanan alang sa nagkaduol na nga Miss Universe nga mahitabo karong Enero 30 diha sa Mall of Asia Arena. (BANAT NEWS)
- Latest