4 arestado sa drug trade
BULACAN, Philippines – Apat-katao kabilang ang kapapanganak pa lamang may tatlong buwan na ang nakalipas ang nasakote sa isagawang buy-bust operation sa magkahiwalay na lugar sa Brgy. Santa Clara at Brgy. Poblacion sa bayan ng Santa Maria, Bulacan kahapon.
Pormal na kinasuhan ang mga suspek na sina Emmanuel Ocfemia 46, scrap collector, ng Brgy. Dalandanan, Valenzuela City; Mae Alelie Ingreso 25, ka-live-in nitong si Victoriano Antonio, 39; at kapatid na si John Michael Antonio, 18, mga residente ng Brgy. Poblacion sa nasabing bayan.
Sa police report na nakarating kay P/Supt. Reniel Valones, naunang nasakote sa buy-bust si Ocfemia sa Brgy. Santa Clara habang si Ingreso, ka-live-in na si Victoriano at John Michael ay naaresto sa kanilang bahay sa Brgy. Poblacion habang nakatakas naman ang kasabwat nilang si Alyas Memot
Narekober sa mga suspek ang 11 plastic sachet ng shabu, isang digital weighing scale, electric plastic sealer, iba’t ibang drug paraphernalia, dalawang motorsiklo, at dalawang P500 marked money.
- Latest