Andi inaabangan kung papatulan ni Laarni

Na-interview pala ng mga kasamahang repor­ters si Laarni Enriquez sa PMPC Star Awards for Music and TV na ginanap last Sunday at nag-react ang dating aktres tungkol sa pagiging ama ng anak niyang si Jake Ejercito sa anak ni Andi Eigenmann.

Base sa panayam kay Laarni ng mga kapatid sa panulat, ayon sa dating aktres ay hinihintay lang niya na kay Andi manggaling ang kumpirmasyon na si Jake ang ama ni Ellie.

“Alam mo ang importante kasi riyan kung ano ang sasabihin ng nanay. Ako naghihintay lang ako and I’m open, I can accept. Ang importante kasi para ‘yan mag-nobyo na secret. Ang kailangan umamin ‘yung lalaki hindi ba? Siguro let’s just wait for Andi. I think nagbigay na siya ng statement and nandoon na naman lahat sa statement niya,” Laarni was quoted to have been said.

Ang pinakamaganda pang sinabi ni Laarni, tanggap niya si Ellie bilang kanyang apo.

“Napakaraming bata na minamahal namin na hindi sa amin, what more kung sa amin, siyempre tatanggapin namin mamahalin namin at ipagmamalaki naming siya,” pahayag pa ni Laarni.

‘Yun nga lang, she cannot speak for Manila Mayor Joseph Estrada na ama ni Jake dahil aniya, hindi raw ito ganu’n ka-updated.

Sinamahan ni Laarni sa awards night si Jake na nominated sa kategoryang Best New Male TV Personality for God Gave Me You at later ay nanalo naman ito ka-tie si Simon “Onyok” Pineda.

Sa kanyang acceptance speech ay inalay ni Jake ang award sa anak nila ni Andi.

Now, let’s see kung tatanggapin ni Andi ang hamon ni Laarni na manggaling mismo sa bibig niya na anak ni Jake si Ellie. Of course, this could be done privately naman at kahit wala nang media. Para sa amin, dapat naman sigurong pormal na dalhin at i-introduce ng aktres ang anak niya sa magulang ni Jake.

Working Beks hindi raw remake ng Working Girls

Bilib si direk Chris Martinez sa katapangan ni Prince Stefan na mag-come-out or magladlad na bilang gay. First time niyang maidirek ang aktor sa pelikulang Working Beks kung saan ay gumaganap ito na isang beki or ba­ding.

Among the cast, tanging si Prince pa lang daw ang hindi niya kilala dahil nga hindi pa niya nakakatrabaho. Bago mag-shoot ay pormal itong ipinakilala sa kanya at kinausap niya ito.

Ipinaliwanag daw niya sa aktor na gay film at gay ang gagampanan niya.

“Sabi niya, “thank you, direk, gusto ko po talaga gawin ‘yan kasi gusto ko na po talaga mag-out.” Sabi ko sa utak ko, parang “ah okay, ire-reward kita sa tapang mo”. Sabi ko, “you will be rewarded with your courage and your bravery to take that step in your career”,” kwento ni direk sa pocket interview niya sa Viva office.

“Magaling siya for his age. ‘Yung range niya, parang marami siyang pinaghuhugutan na. Kaya niya ring maging light, pero ‘pag dramatic na eksena na, maasahan siya, okay siya,” papuri ni direk kay Prince.

Ang iba pang kasama ni Prince sa movie ay sina TJ Trinidad, Joey Paras, John Lapus, at Edgar Allan Guzman. Inspired ang pelikula sa lumang pelikula ng Viva Films na Wor­king Girls pero nilinaw ni direk Chris na hindi ito remake.

Kung women empowerment daw ang Working Girls, ang Wor­king Beks naman ay gay empowerment.

“Pero ibang-iba po ‘yung kwento, hindi po siya remake, ins­pired lang because they’re all working and they’re all under­going certain problems in their lives,” pahayag pa ni direk Chris.

Showing na ngayong Nov. 23 ang Working Beks. Kasama rin sa movie si Bela Padilla.