Mag-utol, 1 pa todas sa pulis
MANILA, Philippines – Tatlong katao ang nasawi kabilang ang isang magkapatid nang manlaban umano ang mga ito sa mga operatiba ng Manila Police District-Station-6 na may dalang search warrant kaugnay sa iligal na droga naganap kahapon ng madaling araw sa Sta. Ana, Maynila.
Ang mga suspek na namatay habang dinadala sa ospital ay kinilalang sina Jerson M. Colaban alyas ‘Dodong Mata’, 36; Jossing M. Colaban, 30; at Joseph Baculi alyas ‘Bon Jovi,’nasa hustong gulang, pawang residente ng no. Oro Extension, Sta. Ana, Maynila.
Batay sa ulat, bago nangyari ang barilan, dakong ala-1:40 ng madaling araw sa loob ng bahay ng mga suspek ay pinuntahan ito ng mga kagawad ng Station Anti-Illegal Drugs-Special Operations Task Unit (SAID-SOTU) ang bahay ng mga suspek bitbit ang search warrant.
Nang hahalughugin ang bahay ay biglang nagbunot ng baril ang mga suspek at nauwi sa shootout na kung saan ay tinamaan ang mga suspek. Nakuha sa crime scene ang 7 sachet ng shabu.
- Latest