Parks di moatras

CEBU, Philippines - Wala pa mawagtangi  og paglaum si Fil-American amateur player Bobby Ray Parks nga makaduwa sa NBA,  ang   labing dakung liga sa basketbol sa kalibotan

Ang 23-anyos nga si Parks dili gihapon moapil sa PBA draft  kay mobalik kini sa Estados Unidos diin   latason na sab niya ang  tungason nga dalan paingon sa NBA. Si Parks duwa gihapon  sa Texas Legends sa NBA D-League diin  tuyo nga mabaid pa ang iyang abilidad.

Ang 6-foot-3 nga guwardiya miduwa sa miaging Olympic qualifying tournament uban sa Gilas Pilipinas   nga nakahatag kaniya og daku nga ‘exposure’.   Kun dili gyud buligan og maayong palad, ang anak ni kanhi PBA legendary import Bobby Parks Sr.  posibleng moduwa na sa PBA ug seguradong pistahan siya sa mga teams nga dugay nang   mokuha niya. (BANAT NEWS)