Freeman Lifestyle ( Leaderboard Top ), pagematch: , sectionmatch: 1

Tamara Niña

Kung ako ang pabut-on ,

Ang mahigugma dili na nako buhaton.

Mga kasakit kinahanglan antuson,

Bisag gikapoy na kay dapat kayahon.

Apan ang kasingkasing dili nato matudluan,

Ang mga pitik niini dili nato mapugngan.

Freeman ( Article MRec ), pagematch: 1, sectionmatch:

Hilabi na kung susama sa siya usa ka prinsesa,

Maanyag nga babaye nga ang pangalan kay Tamara NiÑa.

Ang imong kaanyag himaya sa akong panan-aw,

Mga problema ko kalit lang mahanaw.

Kay susama pud ka sa usa ka bitoon,

Sa layo pa lang ikaw ako nang gihandum.

Kanunay lang nagkislap imong mga mata,

Mutyang perlas ka nga naghiusa ra.

Ikaw ang pinakatam-is nga musika,

Sa matag-higayon imong gipahunong akong ginhawa.

Pero bisag ako karun nangandoy ra,

Dili gihapon ko mawagtangan og pag-asa.

Nga usa ka adlaw ikaw akong maila-ila,

Ug mahimo ko nimong higala.

Saksi ang Ginoo sa gibati nako karung panahuna,

Siguro nagkatawa na run siya.

Nagkanayon nga ako napud nahigugma,

Kanimo lang, Tamara NiÑa.

*Kining komposisyon kay para kang Tamara Niña Pleños. Hinaot inyong magustuhan ang akong komposisyon.

Freeman ( Article MRec ), pagematch: 1, sectionmatch:
  • Follow Us: