“Living the Dream”

Akiko Ma. Leslie V. Solon

Screen Name   Akiko Solon

Birthday          January 3, 1994

Address           Soong 1, Mactan Lapu-Lapu City

School & Course         Trinity University of Asia / Bachelor of Arts in Broadcasting

Hobbies           Singing, Dancing, Modeling, Hosting, Acting

Favorite Foods            Steak, Tinuwa nga isda, Linat-an

Height 5’4”

Weight            95 lbs

Favorite Song  Who You Are by Jessie J

Favorite Genres           R&B, Acoustic

Favorite Singers          Beyonce, Jessie J, Arianna Grande, Katy Perry, Kelly Clarkson

Favorite Movie            Romantic movies kay hopeless romantic ko haha

Favorite Artists           Angelina Jolie, Anne Hathaway, Emma Watson,Will Smith, Leonardo DiCaprio

Celebrity Crushes        Channing Tatum, Brad Pitt, Ryan Gosling

Motto  Do what makes you happy and don't settle for less

 “If you love what you are doing and that what makes you happy then do it. Don’t limit yourself, explore. Know yourself more. Don’t be afraid to fail. Kung nadagma ka, damha ang sakit. Diha man ka makakat-on sa tanan. Sa kasakit. Kun mobalik pa man gani ang maong experience, atleast kahibawo na ka unsaon nimo pag-mend.”

Mao kini   pulong ug tambag sa 23 anyos nga singer-actress nga si Akiko Solon  ngadto sa mga tawong nahiagom og kapakyasan.

Si Akiko maoy lead actress sa  pelikula nga Magbuwag Ta Kay  diin kapares niya  si Medyo Maldito.

Giangkon ni Akiko nga usa sa iyang gikahadlukan mao ang panahon nga dili na siya makakanta o moarte.

Istorya pa ni Akiko, ang kalibutan sa entertainment gyud ang naghatag niya og kalipay tungod kay matawag kini niya nga childhood dream. Tungod kay nahatagan og katumanan ang iyang pangandoy, kanunay siya nga madasigon sa mga gimbuhaton niya matag adlaw.

Si Akiko ang natuboy nga 5th placer sa gipahigayon nga Star Power niadtong 2010 nga gipanguluhan ni Megastar Sharon Cuneta. Nakauban niya sa maong kompetisyon ang Viva Artist nga si Monica Cuenco ug si Angeline Quinto kinsa maoy natuboy nga mananaog.

Gisaysay ni Akiko nga human sa maong kompetisyon, gihatagan siya og dakong oportunidad nga makasulod sa Star Magic kun diin mao kadto ang hustong lugar aron bairon og maayo ang abilidad.

Didto niya nabaid ang iyang talento sa pag-arte. Matud pa niya nga pito ka tuig siya nga nagpokus sa acting.

Sa pito ka tuig nga iyang pagtaak sa kalibutan sa showbiz, wala gyud siya’y naagian nga mga bati nga isyu. Gani, simple lang ang nahimo niya nga kinabuhi gumikan kay nag-inusara ra siya nga nagpuyo didto sa Quezon City.

Sulod sa maong pito ka tuig, nakaangkon siya og commercials. Pipila niini mao ang Magic Flakes, Jolibee, ug KBO. Gawas niana, nakahimo na usab siya og mga TV appearance partikular na sa  Banana Sundae ug ASAP Rocks.

Dugang pa, nakaangkon usab siya og roles sa E-Boy kun diin siya ang nakapares sa Kapamilya aktor nga Arjo Atayde.

 “That was my very first role. Dili siya sayon kay bisaya man ko. Bag-o pa kaayo ko sa industry. Dili sab lalim kay di sayon ang treatment sa mga beginners pero positive lang gihapon kay kahibaw man ko nga diri ko makat-on”, suma pa niya.

Sukad sa maong first project, nakakuha usab siya og mga role sa Maalaala Mo Kaya, Princess and I, Bridges of Love ug Passion de Amor.

“Bisag ginagmay nga roles, para nako dako na kaayo na nako kay daghan kaayo ang angayan sa role pero diri naabot nako. Nindot pud nga experience nga makauban ang mga known nga actress kay para makat-on ko kung maabot na ang time kun ako na niya ang mobida”, siya nagkanayon.

Gitug-an ni Akiko nga sulod sa pito ka tuig, nawani na niya ang iyang first love nga mao ang pagkanta

“Diri ko nagsugod [sa pagkanta]. Nasayangan ko kay wala nako nahatagan og attention ba kay naka-focus ko sa lain. Mao gyud ni akong main nga talent, ang pagkanta. Mura og mao ni ang ticket para mapull-off nako akong dreams to be an artist”, ambit ni Akiko.

Nagsugod si Akiko sa pagkat-on og kanta sa edad nga 7 anyos. Dili gyud niya mahikalimtan nga ang unang piyesa nga iyang nasag-ulo mao ang “A Moment Like This” ni Kelly Clarkson. Mao kini ang usa sa iyang contest piece sa panahon nga aduna siya’y salmotan nga singing contest.

Gibutyag niya nga dili gyud siya hilig mokanta apan didto siya na-engganyo nga mohirit og kanta tungod kay ang iyang maguwang mao ang kanunay nga mopakita ug modani niya sa pagkanta.

“Ang akoa jud ate ang nindot og tingog pero permi man gud na nako siya makit-an bata pa mi. Everytime manglimpyo mi sa balay, mag-play jud na siya og music then kanta-kanta. So kay bata pa man ko ato sunod lang ko niya. Lahi lang akoa kay magpa-music ko unya mokanta ko infront of the mirror then kanta with feelings dayon”, asoy pa ni Akiko.

Pipila sa mga singing contest  nga iyang nasalmutan mao ang Little Big Star Cebu sa ABS-CBN Cebu kung diin si  Sheryn Regis ang nahimong host sa maong show.Ang iyang pagkalakip sa LBS Cebu mao ang nagsilbing una  niya nga TV exposure .

Sa pagtungtong niya og kolehiyo didto sa University of San Jose Recoletos, siya ang nahimong mananaog sa ‘Josenian Got Talent’ niadtong 2010.

Samtang excited na kaayo siya sa special screening sa pelikula nila ni Rowell Ucat nga  Magbuwag ta Kay karong  Nobiyembre 30 sa mga sinehan.

“Bisaya na gud ni. Kamao kaayo ko sa lingwahi ba. Ug usa sab, gusto ko makahibaw unsa ang difference sa pagbuhat og film diri sa Cebu and Manila. And nakauyon ko, maayo kaayo ang staff, crew and all. Mas gaan katrabaho ang mga tawo sa Cebu kay siyempre, murag dali ra ang connection nga imong mahimo ba. Smooth tanan gyud”, esplikar ni Akiko.

Tsika pa ni Akiko nga nasulod siya sa maong lilas gumikan sa imbitasyon mismo  sa  lead actor nga si Rowell o Roy .

“Crush man nako si Roy sa una but last year lang gyud mi nakahigayon og kita in person kay tungod lang sab to sa event sa among common friend. Ang iyang approach nako ato kay mura na mi og kaila nga dugay na kaayo nga panahon. Hahaha. Magkatawa ko maghunahuna ba pero mao to gi-invite ko niya for the film”, detalye pa ni Akiko.

Wala siya magdahom nga makasulod gyud siya sa maong lilas. Dakong kalipay sab niya nga usa siya sa mga bida niini. Nakugang siya sa dihang nasayran niya nga si  Roy ang iyang makapares gumikan kay wala siya masultihi nga usa sab diay kini sa mobida.

“Ako gud siya giingnan nga ‘wa man kay batasan Roy oy. Wa lang gyud ka mag-ingon daan nga apil na diay ka. Niadto ra ka didto kay kahoy-kahoy ra diay ka. Abi ko nga dungan tag pa-audition”, suma pa niya.

Pagdawat na niya sa maong role ug script, maingon na ni Akiko nga dako na kini nga break sa iyang career tungod kay talagsa ra kaayo mahitabo nga adunay sama niya ang matanyagan og ingon niini nga klase sa role sa usa ka Cebuano film.

Nanghinaot si Akiko nga unta ang Magbuwag Ta Kay ang magsilbi nga pultahan aron mabuhi pa ang mga Binisayang lilas.

Kun mahatagan pa siya og laing movie project puhon, matud pa niya nga dili gyud siya angay nga mamili gumikan kay ang mga director ug ang uban nga tinahud sa pagmugna og salida ang nasayud kun unsa ang angay sa usa ka aktres.

“As for me, dili man sab ko pilian og roles. Basta nice ang story and basta challenging siya for me nga maka-help sad nako mag-grow as an actor. These things I do now are the things that I really love to do”, panapos pa ni  Akiko. (BANAT NEWS)