Rating ni Digong bumagsak

MANILA, Philippines - Batay sa pinakahuling survey ng Pulse Asia ay bumagsak ang performance at trust rating ni Pangulong Rodrigo Duterte.

Sa isinagawang Pulse Asia survey mula Marso 15-20, bumagsak ng 5 percent ang performance rating ng Pangulong Duterte mula 83 percent noong Disyembre 2016 ay naging 78 percent na lamang ito.

Maging ang trust rating ni Duterte ay lumagapak din ng 7 percent mula sa 83 % noong Disyembre 2016 ay naging 76 percent na lamang ito.

Isinagawa ang survey ng ihain ni Magdalo Partylist Rep. Gary Alejano ang impeachment complaint laban kay Duterte sa Kamara.

Sa nasabing panahon din ay bumaligtad din si retired Davao City cop Arturo Lascañas at sinabi sa isang press conference na totoo ang Davao Death Squad, gayundin ang paglabas ng video message ni Vice-President Leni Robredo sa United Nations Commission on Narcotic Drugs hinggil sa extra judicial killings at ang pag-aresto kay Sen. Leila de Lima.