Alab sud semifinals
CEBU, Philippines - Gilubong sa Alab Pilipinas ang Kaohsiung Truth, 107-85 aron moabante sa semifinals sa ASEAN Basketball League sa miaging gabii didto sa Taiwan.
Harungon sa Alab sa best-of-three semis mao ang second seeded nga Singapore Slingers sugod karong Domingo didto sa OCBC Arena sa Singapore.
Dili basta-basta ang Slingers, apan ang Alab moduwa nga taas ang kompiyansa ilabi na nga mopakita na og aksiyon ang kanhi collegiate standout nga si Kiefer Ravena nga gitan-aw nga nindot ikatimbang ni Alab star Ray Parks Jr. tungod sa ilang kasinatian sa NBA Developmental League. Ang modaog sa series moabante sa finals diin ikaharong nila ang modaog tali sa No. 1 nga Hong Kong Eastern Long Lions ug No. 4 Saigon Heat. (BANAT NEWS)
- Latest