PFSDC sinisimulan na ng PSC

MANILA, Philippines - Tinipon ng Philippine Sports Commission ang isang daang governors, mayors at representatives ng local government units sa Cebu City kahapon upang talakayin ang pagtatatag ng Physical Fitness and Sports Development Council.

Sinabi ni PSC Chairman William Ramirez sa kanyang mensahe na kinikilala ng kasalukuyang pamahalaan ang role ng sports  sa nation-building.

 “In the world’s history we have seen how sports has been used a stage for peace.  Sports has the power to change a community and uplift a people in despair,”pahayag ni Ramirez.

Tinipon ang mga LGUs para makakuha ng suporta sa pagtatag ng functional sports development councils sa kanilang lugar na armado ng sports programs alinsunod sa national sports development plan at calendar base na rin sa utos ni Pangulong Rodrigo Duterte na dalhin ang sports sa mga probinsiya at palakasin ang grassroots sports.

Ang mga susunod na meeting ay gagawin sa Naga, Batangas at Baguio at ang pinakahuli ay sa Manila para sa consultations sa local government units  upang maging operational and functioning na ang council bago matapos ang taon.