Naningil ng pautang, inutas
LEGAZPI CITY, Albay , Philippines – Napatay ang 25-anyos na lalaking may negosyong pautang matapos itong pagbabarilin ng kanyang kapitbahay na tumangging magbayad ng utang kamakalawa ng gabi sa Barangay San Vicente, bayan ng Cawayan, Masbate. Napuruhan sa dibdib ang biktimang si King Russel Remulta habang pinaghahanap naman ang suspek na si Victor Remulta Jr., 34, kamag-anak ng biktima. Base sa police report, sinisingil ng biktima ang suspek sa malaking halaga ng pagkakautang dahil nangako itong magbabayad. Gayunman, sa halip na bayaran ay ilang bala ng baril ang ibinigay sa loob mismo ng compound ng kanilang bahay.
- Latest