Sushmita nakasabot ra

CEBU, Philippines - Nasabtan ra ni Miss Universe 1994 Sushmita Sen ang sobra nga  pressure nga gibati ni Maxine Medina isip representante sa  Pilipinas sa bag-ohay lang nga  65th Miss Universe.  Usa si Sushmita sa mga hurado sa maong indigay niadtong Lunes.“You have to understand that Maxine was under a lot of pressure.I could see the pressure, because every time she walked onto stage, Philippines just erupted at the stadium.That will be a beautiful memory for her,” saysay pa niya ngadto sa ABS-CBN News.

Regine gidayeg ni Michelle

Gihulagway ni Miss Australia Michelle Van Eimeren  ang Asia's Songbird nga si Regine Velasquez nga "the BESTEST stepmum ever."  Gidayeg pag-ayo ni Michelle si Regine gumikan kay  gihangop gyud niini ang pag-abot sa iyang anak nga si Leila dinhi sa Pilipinas.  Anak nila ni Michelle ug Ogie Alcasid si Leila.

Julia magpabilin sa ABS-CBN

Hugtanong gihimakak sa Kapamilya star nga si Julia Montes ang  niulbo nga  taho nga matud pa mobalhin siya og laing  TV network . Nasayran nga matapos na karong February 10 ang serye niya nga Doble Kara.  “Masaya po ako kung nasaan po ako ngayon.At inaalagaan po ako ng ABS-CBN and Dreamscape, nina Sir Deo, so wala pong ganun,” saysay pa sa aktres.

Juday nagbangotan

Nagbangotan og maayo si Judy Ann Santos sa kamatayon sa iyang  yaya nga si Sabina Domangas Quintana nga dugay na nga nagsilbi kaniya. Nag-edad kini og 69 ug nasakitan gyud og maayo si Juday gumikan kay gitratar niya kini isip sakop sa iyang pamilya.  "Mami-miss ko lambing mo pag binibisita mo kami.Ikaw ang dahilan kung bakit andito ako ngayon,” suma pa ni Juday.

Move on na!

Nihangyo si Maxine  Medina ngadto sa mga tawo nga nanaway sa iyang tubag sa  question and answer  portion sa Miss Universe nga unta mag- move on na.   Matud pa sa beauty queen nga  nahuman na ang indigay ug dili pud makiangayon nga i-bash gihapon siya karong panahona.

Gitago ang pangalan

Dili pa andam si Vice Ganda nga isulti ang pangalan sa bag-o  niya nga  hinigugma.    Suma pa ni Vice nga ang maong lalaki maoy rason nga blooming kaayo siya karong panahona. “Every day naman, bago 'yung saya. Bago yung ngiti. Bago 'yung kilig. Kasi ang love, hindi naluluma, lagi siyang bago,” suma pa ni Vice.

Mabag-ohan

Tsika pa ni Paulo Avelino nga mabag-ohan ang mga tawo sa tandem nila ni Maja Salvador sa pelikula nila nga I'm Drunk I Love You. "Maninibago sila dahil kumbaga ibang genre ng pelikula ito, kumbaga siguro kami lang ni Maja ang makakagawa nito," suma pa ni Paulo.

Mga lig-on

Naingganyo og samot si Xian Lim nga tarungon og maayo ang performance niya sa seryeng  “A Love To Last” sa ABS-CBN  gumikan kay mga lig-on kaayo ang mga bida niini  nga sila si Ian Veneracion , Iza Calzado ug  Bea Alonzo.   Nahimuot usab siya sa istorya niini busa dakong garbo alang kaniya nga gidungag siya sa maong serye.

Panaghigalaay magpabilin

Gibutyag ni Vin Abrenica nga wala gyud siya kiwawi sa panag-uban nila  sa iyang ex-girlfriend nga si Sophie Albert sa pelikulang Moonlight Over Baler.   Matud pa niya nga malinawon ang ilang break-up ug wala gyud nila putla ang ilang panaghigalaay. 

Baby face gihapon

Dili gyud sipyaton sa 41-anyos nga si Ian Veneracion ang pag-ehersisyo ug usa kini sa gituohan niya kun nganong nagpabiling bata ang iyang hitsura.   Bisan pa man sa iyang pangidaron,  wala gihapon mahupas ang iyang pagka-leading man material.  

Miss Netherland nag-viral

Nag-viral  ang video kung diin nakit-an nga nagsayaw-sayaw  si Miss Netherlands 2016 Zoey Ivory  atol sa commercial break sa 65th Miss Universe.

Samtang nagbarog ang  86 ka mga kandidata sa entablado, gipatukar ang "Single Ladies" ni Beyonce  samtang nagpaabot nga mahuman ang commercial break.

Ang 26 anyos nga si Zoey , wala manumbaling sa mga tawo, nagsayaw sayaw kini butang nga gikahimut-an og maayo sa netizens.

Gi-post ang maong video ni   RT Gundran sa Facebook  ug aduna na’y dul-an sa lima ka  million nga  views, 41,057 shares, ug  8,788 comments.

Nasayran nga usa diay ka professional dancer si Zoey  ug produkto kini sa University of Education and Institute for Performing Arts .

Mahiligon na gyud sa pagsayaw si Zoey, gani  naandan na niya nga mahuman og alas 10 sa gabii sa dancing lesson nga gikuha niya kaniadto.

"My background as a professional dancer really formed me the way I am. I have the attitude of an athlete, so I’ll always give a 101% even if I’m sick or in pain. It also taught me to be a fast learner, I can copy movement and manners very fast,” tubag pa niya nga namantala sa MissHollandNow.com.

Dugang pa ni Zoey nga wala niya damha nga mahimong viral ang iyang pagsayaw  atol sa commercial break sa Miss Universe.  Dili niya ikauwaw ang pagsayaw gumikan usa kini sa pamaagi nga ma-relax ang iyang kaugalingon.  (BANAT NEWS)